... para non quedármonos coa palabra na boca, convidámolles a participar na normalización da nosa lingua.

10 nov. 2014

Tragamedos


Na escola temos un Tragamedos que lle encanta xantar todos os medos das nenas e dos nenos.

Para que queremos nós os medos, mellor agasallémosllos ao Tragamedos

5 nov. 2014

Samaín








Castañas de Galicia



Día da ciencia en galego


Neste día da ciencia en galego nace coa intención de poñer en valor o uso do galego no ámbito científico e de contribuír a promover a investigación desenvolvida na nosa lingua. 
A investigación científica e a súa divulgación, incluída tamén a das humanidades, son piares básicos para o progreso da sociedade. A lingua galega debe incorporarse naturalmente, con plena validez e normalización como vehículo para a transmisión social deses avances no coñecemento nas diferentes áreas. 
O pasado mes de maio o Consello da Cultura Galega facía públicas as conclusións da xornada “Escribir de Ciencia en galego”, nas que diversos especialistas debuxaron unha diagnose sobre a divulgación, a comunicación e a formación científica en relación coa lingua galega, campos nos que queda aínda camiño por percorrer.

31 oct. 2014

Ponte Albar. Trazo


Xavestre, San Cristovo)
 Trazo 




Samaín



"NO SAMAÍN" é unha das 12 cancións incluídas no libro-cd-dvd "BRINCA VAI!", composto e interpretado por Paco Nogueiras, con ilustracións de David Pintor e vídeos de Sr. Sagüillo. Está publicado por KALANDRAKA.

24 oct. 2014

Día da Biblioteca



Vídeo realizado no Obradoiro de Audiovisuais (grupo infantil) que tivo lugar os sábados 11 e 18 de outubro na Biblioteca Pública Municipal de Narón

21 oct. 2014

Ponte Maceira



Na parroquia de Agrón. Sobre o río Tambre. 

A ponte ten cinco ollos principais, o do centro é apuntado e os catro restantes de medio punto cun acusado peralte e rompeaugas en punta de diamante. O pretil é de mampostería con albardiña plana elevada no centro, coincidindo co ollo apuntado. 




Popularmente, dise que é unha ponte romana aínda que os historiadores sinalan que foi erguida no século XIV por mandato da Mitra Compostelá e reconstruída no XVIII, a pesar de que a súa base poida ser romana. 



Lenda:


Popularmente, dise que é unha ponte romana aínda que os historiadores sinalan que foi erguida no século XIV e reconstruída no XVIII, a pesar de que a súa base poida ser romana. Contan que a ponte se derrubou cando os soldados romanos perseguían os discípulos de Santiago, que pediran un lugar digno para enterrar o seu mestre, entón as augas se abriron para facilitar a fuxida dos que se consideraban elixidos de Deus e logo arrastraron os romanos río abaixo.

18 oct. 2014

Pontes do Concello de Ames. Ponte romana de Augapesada


Na parroquia de Agrón, cruza o río Sar. Situada no Camiño Real que ía de Santiago de Compostela a Fisterra.

A ponte sobre o regato de Augapesada ten un ollo central de medio punto e cadrado semienterrado.



O pavimento está formado de lousas de pedra voadas cara os laterais da ponte e sobre estes, hai un pretil formado de lousas de pedra colocadas a ambos lados.



A ponte quebra na vertical do centro do río formando dúas pendentes, que descenden cara cada marxe do regato.

Fotos


9 oct. 2014

De ponte a ponte. Recorremos Galicia


Este curso imos comezar un novo proxecto de investigación baseado nas pontes de Galicia.

A ponte é construción que se fai sobre os ríos, foxos etc., para unir os dous lados e poder así atravesalos.

Solicitamos a súa colaboración. 

26 jun. 2014

Milladoiro


Pola nosa escola pasan centos de nenos e nenas que, polo xeral, permanecen tres anos e logo marchan para iniciar a Educación Primaria noutros centros.

Neste remate de curso dimos inicio ao que esperamos se converta nunha nova tradición: o recordo de cada promoción a través dunha intervención escultórica.


O Milladoiro, onde está a escola, é o último paso do Camiño Portugués antes da chegada a Compostela. 
De feito o nome desta localidade dise que vén de:
 
- Da derivación de “humilladoiro”, lugar onde os peregrinos se postraban perante a visión no horizonte das torres da catedral tras un longo e dificultoso camiño.

- Hai quen di que de “miradoiro”, lugar desde onde se avistaba Compostela. 

- Milladoiro de pedras onde os peregrinos desde tempos ancestrais deixaban unha pedra. 


A día de hoxe, ducias de peregrinos pasan por diante do centro, e mesmo entran para selar a súa credencial, sendo para o noso alumnado algo cotiá ver pasar grupos de peregrinos a pé, a cabalo ou en bicicleta, e mesmo os saúdan con alegría. 

Pero poucos camiñantes saben da orixe do Milladoiro, levando a impresión de que é a típica poboación dun polígono industrial. 

É non podemos esquecer que o curso pasado estivemos investigando sobre o Camiño Portugués.


25 jun. 2014

Festa fin de curso



O derradeiro día do Curso escolar. Festa no patio da escola con todo o profesorado e alumnado para despedir o curso escolar 2013-2014.

23 jun. 2014

Festa de fin de promoción


Celebrouse un Festival para despedir o alumnado do terceiro nivel, que remata este ano nesta escola . Houbo actuacións diversas, despedida de país e alumnado, entrega de diplomas e unha merenda de convivencia entre mestres, familias e alumnado.!

11 jun. 2014

As rúas da nosa localidade



O traballo de coñecemento da propia contorna é previo a calquera outra saída didáctica que se poida facer co alumnado de infantil. Co cambio do tempo, de estación, da paisaxe e decidímonos a coñecer un pouco máis o que temos ao noso carón. 


Na localidade na que traballamos, O Milladoiro moitas das rúas, avenidas e travesías levan o nome de especies arbóreas e visten as beirarrúas: Palmeiras, Rúa Figueiras, Rúa Oliveira, Rúa Xesteira, Rúa dos Cereixos, Rúa Camelias, Rúa do Buxo, Rúa das Hedras, Rúa da Pereira, Rúa Codeseira, Rúa Castiñeiras, Rúa das Espiñas …



A toponimia galega está chea de referencias ao mundo vexetal.


Fixemoss chapas cos nomes  e colocámolas nos seus lugares correspondentes e démosllas a coñecer as familias e demais compañeiros/as do centro.

4 jun. 2014

Liberando poemas VIII



Antón levou o seu poema á Muralla de Lugo.


Hugo e Noa quixeron compartir o seu poema.












Noa encontrou o poema na Ratiña Golosa do Milladoiro e deixauna en Ponte Maceira.





Noa encontrou outro poema no centro comercial.




E xa que estivo moi atenta, Noa, atopou outro no centro médico.



Grazas pola vosa colaboración.
EDL EEMILLADOIRO

3 jun. 2014

Liberando poemas VII






Jaime Fiúza dinos: "Mándovos unhas fotos do poema de Emilio Pita. Encontrino no pabellón deportivo de Os Tilos e deixeino colgado dunha oliveir na Praza da Oliveira de Santiago de Compostela. A investigar donde está esa plaza!!!.
Saúdos"

Nós non imos deixar pasar este reto. 


Se prememos na imaxe podemos ver a Praza da Oliveira en Google Maps.


Grazas pola vosa colaboración.
EDL EEI MILLADOIRO

2 jun. 2014

Liberando poemas VI




José Andrés Mesías dinos: "Ola, mando dúas fotos... atopei o poema na casa de Noa, no Milladoiro e deixeino no Parque del Buen Retiro, ó lado do Palacio de Cristal en Madrid."



Grazas pola vosa colaboración.
EDL EEI MILLADOIRO