ACTUACIÓN PABLO DÍAZ E OLGA KIRK

Dentro do programa do Modo Galego, tivemos a sorte de contar coa actuación de Pablo Díaz e Olga Kirk na escola. Foi unha actuación moi bonita, chea de música, que nos fixo cantar moito e desfrutar. 

ROMARÍA DAS LETRAS 2025

Como cada ano, volvemos xuntarnos na Romaría das Letras, unha festa para celebrar a cultura que nos une. Entre xogos tradicionais, obradoiros e moita alegría, rendémoslle homenaxe a nosa cultura, lingua e tradición. Grazas a todas as familias, pola vosa colaboración e polo tempo compartido. 

Aquí vos deixamos uns vídeos especiais con algúns momentos da festa para que poidades revivir connosco esta celebración tan especial.

LETRAS GALEGAS 2025

Este ano 2025, a Real Academia Galega decidiu dedicarlle o 17 de maio, un día tan especial ás cantareiras, esas mulleres que transmitiron a nosa lingua, a nosa cultura e a nosa música de xeración en xeración.

As cantareiras foron e seguen sendo voz da tradición galega, coas súas coplas, cantigas e melodías que nos falan da vida, do amor, da terra... Moitas veces cantaban sen instrumentos, só coas palmas ou cunha pandeireta, pero con moita forza e sentimento.

Na nosa escola quixemos renderlles homenaxe cunha exposición no corredor chamada: "SEMENTES QUE CANTAN". Cada aula escolleu unha canción tradicional galega que aprendemos e representamos.

SEMENTANDO CANTARES

Con motivo do Día das Letras Galegas 2025, participamos na actividade "Sementando Cantares", organizada polo Concello de Ames.

Cada aula da nosa escola escolleu un poema ou cantiga en galego e deixámolo sementado en distintos lugares do Milladoiro: prazas, rúas, parques..., para encher o pobo de cantigas fermosas espallando a nosa lingua pola contorna.

Neste vídeo podedes ver o resultado deste traballo tan especial que fixemos con moita ilusión.

DÍA DE ROSALÍA: Ailalá... Hei de cantar!

Un ano máis homenaxeamos a Rosalía. Este ano elaboramos un mural cos versos do poema Has de cantar!, incluido no seu libro Cantares Gallegos. A partir deste realizamos o vídeo poema presentado na gala de Rosalía organizada polo Concello de Ames, hoxe luns 24 de febreiro.

A continuación deixamos o vídeo poema e unha fotografía do mural:

PECHE DO PROGRAMA: MODO GALEGO, ACTÍVAO!

O programa modo galego actívao chega ao seu fin, pero o noso amor e orgullo pola lingua galega segue máis forte que nunca. Ao longo destas semanas, a través de retos e xogos, o galego estivo presente en todo momento, e os nenos e nenas amosaron non só a súa capacidade de aprender, senón tamén a súa implicación en facelo crecer e compartilo cada día.

Para rematar, celebramos xuntos cun gran baile, creado polas artistas de Ames, As Maianas, que achegaron o seu talento e nos contaxiaron de ritmo e alegría. Despedímonos do programa, lembrando que somos os súper heroes e súper heroínas que loitarán por salvar a nosa lingua, porque o galego é a nosa identidade. Animamos a todas as familias a seguir empregando o galego todos os días.

 O idioma é a patria e a esencia máis nosa. Manuel María

💙O GALEGO É A FORZA QUE NOS UNE 💙

LEMAS DO MODO GALEGO, ACTÍVAO!

Como podedes ver, estamos moi orgullosos e orgullosas do galego! No último reto, o noso alumnado tivo a oportunidade de compartir con nós as súas frases motivadoras e lemas en galego. Todos e todas puxeron todo o seu esforzo e creatividade para expresar a súa motivación. Aquí vos deixamos unha pequena mostra das súas marabillosas creacións.

SEMANA 3: MODO GALEGO, ACTÍVAO! 5 ANOS

Os máis maiores da escola tamén demostraron que están listos para afrontar grandes retos! Con moita enerxía, demostraron que están comprometidos co galego e, sen dúbida, conseguiron activar a nosa lingua.

AULA 5

AULA 6

AULA 7

AULA 8

SEMANA 3: MODO GALEGO, ACTÍVAO! 4 ANOS

Os nenos e nenas de 4 anos, seguen a tope co galego! A súa participación e entusiasmo son un exemplo de como pequenos xestos fan que o galego se oia en cada recuncho. 

AULA 2

AULA 3

AULA 4

SEMANA 3: MODO GALEGO, ACTÍVAO! 3 ANOS

Estamos chegando ao fin do programa Modo Galego, Actívao! e, como non podía ser doutro xeito, o alumnado tivo unha participación activa e chea de ilusión nos retos que nos propuxeron para esta semana. Aínda que estamos na recta final, seguimos activando o galego con moito entusiasmo.

Os cativos e cativas de 3 anos móstrannos como superaron os retos desta última semana, demostrando o seu compromiso coa nosa lingua!

AULA 11

AULA 12

SEMANA 2: MODO GALEGO ACTÍVAO! 5 ANOS

Seguimos activando o modo galego con moitas gañas. Os nenos e nenas de 5 anos están a coñecer mellor a nosa lingua. Aquí tedes unha pequena mostra de todo o que fixeron... ¡seguen activando o galego con moito entusiasmo! 

AULA 5

AULA 6 

AULA 7 

AULA 8

SEMANA 2. MODO GALEGO, ÁCTIVAO! 4 ANOS

Esta semana, os retos resultaron divertidos para o alumnado: puxeron algo azul para demostrar o orgullo de ter lingua propia e aprenderon un divertido trabalinguas ou adiviñanza en galego, xogando coas palabras de maneira lúdica. Tamén dixeron novas palabras en galego ou inventáronas, que creatividade!

Mirade que comprometidos están nas aulas de 4 anos co modo galego!

AULA 2

AULA 3

AULA 4

SEMANA 2: MODO GALEGO, ACTÍVAO! 3 ANOS

Despois de activar con ilusión o modo galego na primeira semana, nesta segunda seguimos comprometidos con novos retos que nos axudan a coñecer e promover a nosa lingua. Os cativos e cativas de 3 anos déixannos aquí unha pequena mostra de todo que estiveron traballando nestes días.

¡Seguimos activando o galego con alegría e moito compromiso! 💙

SEMANA 1, PARTE 2: MODO GALEGO ACTÍVAO!

Seguindo co noso compromiso co modo galego, nas aulas 7 (cinco anos C) e 4 (catro anos B) están activando a tope o galego, déixannos aquí unha mostra de todo o que estiveron traballando esta semana. 

AULA 7

AULA 4

SEMANA 1: MODO GALEGO, ACTÍVAO!

Unha vez asinados os nosos compromisos lingüísticos, puxémonos mans á obra nas aulas e activamos o modo galego! Os retos das aulas axudan a promover e falar a nosa lingua. 

Nós sentimos que a cor da nosa lingua é o azul como o mar ou o ceo, por iso nalgunhas aulas comezaron o programa vestíndose cunha peza de roupa azul. E avanzando na semana descubrimos que a música non ten fronteiras e fai que o galego chegue a todas partes, queremos con isto que coñezades un pouco da nosa cultura musical, a través de diferentes pezas musicais ou instrumentos. 

Mirade nas aulas de 3 anos que comprometidos están co modo galego a través dos retos semanais.

Tamén activaron o modo galego nas aulas de 5 anos, que están desbloqueando súper poderes todos os días. 

MODO GALEGO, ACTÍVAO!

Volta á escola o MODO GALEGO, ACTÍVAO! un proxecto de investigación-acción deseñado e desenvolto pola Real Academia Galega en colaboración co Concello de Ames e coa participación da comunidade educativa. 

Como en anos anteriores comezamos asinando un acordo de compromiso lingüístico en todas as aulas. Para seguir este programa podedes entrar na seguinte ligazón, que se actualiza diariamente mentres duran os retos: MODO GALEGO, ACTÍVAO! 

QUEN SALVARÁ O GALEGO?

O venres o noso corredor encheuse cunha superheroína, un superheroe e coa pregunta: Quen salvará o galego? Para resolver esta incógnita imos activar os nosos super poderes nas vindeiras tres semanas! 

ALGO VAI ACONTECER...

 ESTE LUNS ALGO VAI ACONTECER... UN GRAN SUPER PODER IMOS ACTIVAR!

CALENDARIO

Iniciamos o ano cun calendario moi cantareiro Ai lalalá! dentro do noso proxecto anual.