MODO GALEGO, ACTÍVAO!

Volta á escola o MODO GALEGO, ACTÍVAO! un proxecto de investigación-acción deseñado e desenvolto pola Real Academia Galega en colaboración co Concello de Ames e coa participación da comunidade educativa. 

Como en anos anteriores comezamos asinando un acordo de compromiso lingüístico en todas as aulas. Para seguir este programa podedes entrar na seguinte ligazón, que se actualiza diariamente mentres duran os retos: MODO GALEGO, ACTÍVAO! 

QUEN SALVARÁ O GALEGO?

O venres o noso corredor encheuse cunha superheroína, un superheroe e coa pregunta: Quen salvará o galego? Para resolver esta incógnita imos activar os nosos super poderes nas vindeiras tres semanas! 

ALGO VAI ACONTECER...

 ESTE LUNS ALGO VAI ACONTECER... UN GRAN SUPER PODER IMOS ACTIVAR!

CALENDARIO

Iniciamos o ano cun calendario moi cantareiro Ai lalalá! dentro do noso proxecto anual. 

MAGOSTO 2024

O luns 11, día de San Martiño, como ven sendo tradición, celebramos o magosto na escola. Disfrutamos dunha xornada moi festiva con xogos populares e degustación de castañas asadas, acompañados dalgunhas  familias!

VISITA DO TRASNO DO OUTONO

Esta semana recibimos a visita do trasno do outono, un  misterioso trasno que nos deixou cestas cargadas de froitas e os corredores da escola ateigados de follas.

CURSO 2024-25 AI LA LA LÁ

Voltamos con moitas ganas de activar o  galego  cun proxecto anual con moito ritmo, AI LALALÁ. 

Para seguir dando un impulso e fomentando a lingua galega no centro, o eido central da nosa cartelería será a música popular galega, proposta que leva por título “Ai lalalá”. Cada cartel leva un instrumento e ao carón o nome da cantareira ou grupo e unha estrofa composta por estes mesmos, acompañado dun código QR para darlle maior visibilidade e aproveitamento da proposta nas aulas.